// జింక //

హరిత వనాలలో సంచరిస్తూ 

ఆ వనాలకే శోభ తెస్తాయి 

పసిడి మేనితో ప్రకాశిస్తూ 

చూపరులకు కనివిందు చేస్తాయి 

ప్రకృతి రమణీయతకు పులకించి 

చెంగుచెంగున గంతులేస్తాయి

సీతారాములను ఆకట్టుకొని

వనవాస సమయాన తోడయినాయి 

విపత్తులను ముందుగా పసిగట్టి 

మానవాళికి మేలుచేస్తాయి 

గంతులేస్తూ అల్లరి చేసే 

ఆడపిల్లలకు మారుపేరవుతాయి 

తెలుగువారికి రాష్ట్ర జంతువులు 

సాధుజీవులకెల్ల సౌందర్య హరిణులు!!