// కోవెల //

మనిషికి మనశ్శాంతి కలిగించే స్థానం 

ఆధ్యాత్మికత అలవడే ప్రదేశం 
స్వయంవ్యక్తమైనా , ప్రతిష్టితమైనా 
మంత్రోచ్చారణల విశ్వవిద్యాలయం దేవాలయం 
సుప్రభాతం మొదలు పవళింపుసేవ వరకు 
నిత్యం దీప ధూప నైవేద్యాలు , పారాయణాలు 
అలంకరణాభిషేకాలు , యజ్ఞయాగాదులు 
మొక్కుల చెల్లింపులు , ముడుపులు 
కోరికలపై స్వారీ చేసే నరుడిచే దైవానికి విన్నపాలు
అన్నింటికీ అనువైన రంగస్థలం!
ఏకాగ్రత చేకూర్చు గంటానాదం 
దృష్టి దోషాలు తొలగించు మంగళ హారతి 
క్రమశిక్షణ , ఉత్సాహం కలుగజేయు ధ్యానం 
గుడిలో చేసే  ప్రతీ పనికీ కలదు పరమార్థం 
నీ మదిలో రావణున్ని సంహరించి రామయ్యని మేల్కొలిపితే 
ప్రతీ మానవుడి హృదయం కాదా ఒక దేవాలయం !!