// శ్రీరామనవమి //
ప్రత్యక్ష నారాయణుడి వంశమందు
ఉదయించిన శుభదినం చైత్రశుక్ల నవమి
ఏకపత్నీవ్రతాన్ని జగతికి పరిచయం చేసిన
ధర్మమూర్తి జననం లేని జానకిని పెళ్ళాడిన పర్వదినం!
చైత్రమాస రథంపై అరుదెంచే వసంతం
సకలగుణాభిరాముడి మనువుకి ప్రకృతిని అలంకరిస్తుంది
కొత్త చిగుళ్ళతో, లేలేత పిందెలతో అతి సుందరంగా!
రఘుకులోత్తముడి కళ్యాణాన అందించే పానకం
ఋతుమార్పులతో దేహంలో ప్రవేశించిన తాపాన్ని
కరిగింపచేసే అత్యుత్తమ 'శీతల'పానీయం!
లోకాభిరాముడికి జగతిలో పరిణయం
ప్రపంచం రామరాజ్యమవ్వాలని పంచే సందేశం!
రాజకీయరణం ముంగిట ఈసారి జరిగిన
కోసలేంద్రుడి వివాహం దేశాన్ని చేసేనో సుభిక్షం?
కోట్లనయనాల ఆశావీక్షణాలను తీర్చునో లేదో కాలచక్రం!
No comments:
Post a Comment