// పైసా//

ధనం నువ్వే కదా మనిషిని నడిపే ఇంధనం 

విద్య, వైద్యం, వ్యాపారం దేనికయినా నీవే శరణం 

గృహప్రేవేశానికి, వధుప్రవేశానికి నువ్వే కదా ఆధారం 

తీర్థయాత్రలకీ, విహారయాత్రలకీ నీవే మూలం 

పంచభక్ష్య పరమాన్నాలకీ , పచ్చడి మెతుకులకీ నీవే ఆలంబనం 

వాత్సల్యానికైనా, గౌరవానికైనా నువ్వే కదా ప్రామాణికం 

అందుకే నువ్వంటే నాకు మోహం !

ధనం నువ్వే కదా బంధాలను చీల్చు సాధనం 

కపటత్వానికీ, కర్కషత్వానికీ నీవే మూలం 

నీవే కదా రక్త సంబంధీకుల రుధిరం చూసే ఆయుధం 

ప్రాణ స్నేహితుల ప్రాణాలు తీసే కాలకూట విషం 

దోపిడీలకీ , దౌర్జన్యాలకీ నువ్వే కదా ఊతం 

అందుకే నువ్వంటే నాకు ద్వేషం !