// యుగాది //            

కిలకిలరావాల కోయిలమ్మ స్వాగత సరాగంతో 

చైత్రమాస రథంపై మనోహరంగా ముస్తాబై వస్తుంది 

మోడైపోయిన జీవాలకు కొత్త చివురులు పూయింప 

ఆమని సమీరాల ఆహ్లాదాన్ని తెస్తుంది 

షడ్రుచుల మిళిత రుచిని ఆస్వాదిస్తూ

సుఖ ,దుఃఖాల సారాన్ని తెలియజేస్తూ 

మనోఫలకంపై జీవన సత్యాన్ని అందంగా చిత్రిస్తుంది  

బ్రతుకు బాటలోని అమవసి నిశిని రూపుమాపగ 

ఆశాజ్యోతియై ప్రజ్వలిస్తుంది 

అంతరిక్షాన అష్టగ్రహ కూటమి ఆలంబనగా 

నవవసంతాన 'భవిష్యవాణి' వినిపిస్తుంది 

కాలప్రవాహంలోని మలుపులను ముందుంచి 

సంపద రాకపోకలను, విపత్తులను ఆవిష్కరిస్తుంది 

కోరికల గుఱ్ఱాలపై స్వారీ చేస్తూ తలపుల 

పునాదిపై 'ఆశలసౌధం' నిర్మిస్తుంది ఉగాది!!